Hramadstva

Na Mahiloŭščynie małady laśničy zahaniaŭ les naleva, a hrošy traciŭ na staŭki

U Mahilovie 24‑hadovaha byłoha laśničaha asudzili na čatyry hady pazbaŭleńnia voli za niezakonnuju vysiečku dreŭ, prodaž draŭniny i inšyja złačynstvy. Pra heta paviedamili ŭ Śledčym kamitecie.

Zdymak ilustracyjny. Fota: «Naša Niva»

Asudžany pracavaŭ laśničym u Mahiloŭskim lashasie. Sa śniežnia 2024 hoda da listapada 2025‑ha jon davaŭ padnačalenym — majstru lesu i lesavodu — niezakonnyja rasparadžeńni vysiakać drevy pa-za miežami adviedzienych lesasiek abo bieź nieabchodnych dakumientaŭ na dazvoł. Vysiečki pravodzilisia ŭ Mahilovie, a taksama ŭ Mahiloŭskim, Białynickim i Škłoŭskim rajonach.

Usiaho było niezakonna vysiečana 288 dreŭ roznych parod, u tym liku jełak, biaroz, sosien i asin. Draŭninu laśničy pradavaŭ za hatoŭku hramadzianam i pradprymalnikam. U niekatorych vypadkach jon afarmlaŭ fiktyŭnyja dakumienty na jaje pieravozku. Atrymanyja hrošy vydatkoŭvaŭ na asabistyja patreby, u tym liku pradukty, adzieńnie i staŭki ŭ azartnych hulniach.

Akramia taho, laśničy ŭnosiŭ u akty-spravazdačy niedakładnyja źviestki pra raboty, jakija napraŭdu nie vykonvalisia. Na padstavie hetych dakumientaŭ jaho padnačalenym vypłacili bolš za 9900 rubloŭ.

U červieni 2025 hoda mužčyna taksama skarystaŭsia słužbovym stanoviščam, kab skraści i pradać 190 litraŭ słužbovaha dyzielnaha paliva koštam 494 rubli.

Jaho dziejańni kvalifikavali pavodle troch artykułaŭ Kryminalnaha kodeksa: za pieravyšeńnie ŭłady abo słužbovych paŭnamoctvaŭ, niezakonnuju vysiečku lesu i kradziež šlacham złoŭžyvańnia słužbovymi paŭnamoctvami.

Sud pryznačyŭ byłomu laśničamu čatyry hady źniavoleńnia ŭ kałonii ŭzmocnienaha režymu i štraf sumaj 350 bazavych adzinak— 15 750 rubloŭ. Akramia taho, na praciahu piaci hadoŭ jamu zabaroniena zajmać kiroŭnyja pasady.

Ahulnaja škoda, pryčynienaja dziaržavie i navakolnamu asiarodździu, pieravysiła 61 tysiaču rubloŭ. Były laśničy kampiensavaŭ jaje całkam. 

Kamientary

Ciapier čytajuć

Ci pahražaje Krymu błakada praz paralizavany Krymski most?14

Ci pahražaje Krymu błakada praz paralizavany Krymski most?

Usie naviny →
Usie naviny

Samaja tannaja kvatera — 222 tysiačy rubloŭ. MAPID prapanavaŭ kvatery ŭ «Soniečnym» dla ŭsich achvotnych5

46‑hadovaha minskaha psichołaha i biznes-treniera pasadzili pa palityčnaj spravie2

Prezident Manholii, jaki try tydni tamu sustrakaŭsia z Łukašenkam, padaŭ u adstaŭku, abvinavačany ŭ karupcyi1

U Hiermanii małady biełarus uščent raskałaciŭ furu ab aŭtadom piensijanieraŭ. Kiroŭcaŭ ratavali z dapamohaj viertalotaŭ

Rasijskija i łukašenkaŭskija ŚMI dahetul nie paviedamili pra rujnavańnie Krymskaha mosta7

Ceny na nieruchomaść pajšli ŭniz. Pryčym nie tolki ŭ Minsku13

U kramach pačali pradavać novuju ekzatyčnuju reč

Amierykanski sudmiedekśpiert: Džefry Epštejn, imavierna, byŭ zabity, a nie pakončyŭ z saboj5

U Kamyšavasie zaviaršyŭsia pošuk cieł. U vyniku rasijskaha ŭdaru tam zahinuli 72 čałavieki

bolš čytanych navin
bolš łajkanych navin

Ci pahražaje Krymu błakada praz paralizavany Krymski most?14

Ci pahražaje Krymu błakada praz paralizavany Krymski most?

Hałoŭnaje
Usie naviny →

Zaŭvaha:

 

 

 

 

Zakryć Paviedamić