У Беларусіз-за моцных снегападаў адключаныя знешнія крыніцы падачы электраэнергіі ў пунктах пропуску «Аляксандраўка» і «Новая Рудня» на мяжы з Украінай, паведамляепрэс-служба Дзяржаўнага мытнага камітэта.
«Зараз электразабеспячэнне гэтых пунктаў пропуску робіцца за кошт рэзервовых крыніц сілкавання. Працяглая эксплуатацыя гэтага віду абсталявання прадугледжвае перыядычнае, на працягу сутак, правядзенне рэгламентных працаў з часовым прыпыненнем электразабеспячэння. У сувязі з гэтым спыняецца мытнае афармленне тавараў, што ўплывае на прапускную здольнасць пунктаў пропуску і магчыма ўтварэнне чэргаў», — гаворыцца ў паведамленні.
Дзяржаўны мытны камітэт рэкамендуе перавозчыкам і фізічным асобам скарыстацца магчымасцямі бліжэйшых рэспубліканскіх пунктаў пропуску Гомельскай мытні «Камарын» (для легкавога аўтатранспарту) і «Новая Гута» (для грузавога і легкавога).
Цяпер чытаюць
Што вядома пра былога палітвязня Сакалоўскага, які памёр у Берліне ў 47 гадоў1
Каментары