Пра гэта ён заявіў сёння на нарадзе па пытаннях аптымізацыі структуры, колькасці і функцый дзяржорганаў.
«У нас недапушчальна нізкі заробак у дзяржаўных служачых. Ну проста ніякая зарплата!» — сказаў ён.
«У нас некаторыя кіраўнікі прадпрыемстваў, якія сядзяць на датацыях, ці ж кіраўнікі, якія наогул лыка не вяжуць, як у народзе кажуць, атрымліваюць пад 20 мільёны заробку, яшчэ і прэмію сабе налічваюць!А дзяржаўны служачы і паловы таго не мае, той, які працуе. Таму недапушчальна нізкая зарплата», — сказаў Лукашэнка.
Пры гэтым ён падкрэсліў, што павысіць зарплату дзяржслужачых можна, толькі аптымізаваўшы іх колькасць.«У адваротным выпадку ў мяне рука не падымецца падпісваць дакументы аб павышэнні зарплаты дзяржслужачых, якіх у нас дзясяткі тысяч», — сказаў Лукашэнка.
«Вы ж разумееце псіхалогію нашага народа, — сказаў ён. — Давайце аптымізуем колькасць, каб народ нас разумеў: так, у дзяржслужачых нармальная, дастойная зарплата, але іх колькасць у нас аптымальна».
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары