Віктар Януковіч падпісаў указ аб надзвычайных мерах па ліквідацыі наступстваў снегападаў ва Украіне: аб гэтым паведамляецца на сайце ўкраінскага прэзідэнта. Кіраўнік дзяржавы распарадзіўся, у прыватнасці, каб у барацьбе з непагаддзю дзяржслужбе па надзвычайных сітуацыях дапамагалі падраздзяленні ўзброеных сілаў.
Згодна з указам Януковіча, органы выканаўчай улады ўсіх узроўняў павінны забяспечваць дапамогу пацярпелым - у першую чаргу тым, хто трапіў у заторы на заснежаных дарогах. Прэзідэнт запатрабаваў, каб усе неабходныя дзяржаўныя рэсурсы былі накіраваныя на нармалізацыю транспартнай камунікацыі і забеспячэнне нармальнай жыццядзейнасці пацярпелых рэгіёнаў.
За суткі пачынаючы з пятніцы, 22 сакавіка, у некаторых частках Украіны, у тым ліку ў сталіцы - Кіеве, выпалі ападкаў звыш месячнай нормы. Гэта прывяло да маштабных збояў транспартных зносін.На аўтамабільных дарогах утварыліся вялікія заторы, парушаная праца аэрапортаў.
Такога снегападу ў Кіеве не было нават зімой. За адну ноч утварыліся гурбы вышынёй два метры. У магазіны не завезлі свежы хлеб.
З-за снегападу кіроўцы пакінулі аўтамабілі на дарозе і пайшлі дадому пешшу. У некаторых крамах няма малака і хлеба - грузавікі не могуць развезці тавар.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект13
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары