Беларускі вайсковы самалёт парушыў паветраную прастору Літвы, у чацьвер у сувязі з гэтым інцыдэнтам Беларусі ўручана нота, заявілі ў літоўскім МЗС.
Як паведамілі ў МЗС, у сераду ў 13.05 было зафіксавана, што беларускі вайсковы самалёт МіГ-29 парушыў дзяржаўную мяжу Літвы, уварваўшыся ў паветраную прастору Літвы над вёскай Пагаранда Аранскага раёну.
«Над тэрыторыяй Літвы самалёт прабыў каля дзьвюх хвілін», — паведаміў Дэпартамэнт інфармацыі і сувязяў з грамадзкасьцю МЗС.
У ноце, якая ў чацьвер уручана амбасадару Беларусі ў Літве, утрымліваецца просьба «прадставіць усебаковую інфармацыю аб парушэньні паветранай прасторы Літвы і зрабіць захады па прадухіленьні падобных інцыдэнтаў у будучыні», цытуе МЗС Літвы партал delfi.lt.
Каментары