Афіцыйная версія — рэспіраторна-рэпрадуктыўны сіндром свіней.
2 мая, кіраўніцтва ААТ «Баранавічыхлебапрадукт» нарэшце пракаментавала сітуацыю вакол КПС «Усходні», паведамляе «Intex-press».
Па словах начальніка КПС «Усходні» Георгія Хомчанкі, працэнт мору за апошні месяц склаў 6,2%, у той час як па нормах гэты паказчык не павінен перавышаць 15%.
«Мор свіней на падобным прадпрыемстве, калі ён у межах нормы, — шараговая з'ява. Свінні хварэюць амаль кожны месяц — для буйнога прадпрыемства, магутнасць якога больш за 80 тысяч галоў, гэта нармальна. Не разумею, чаму з гэтага раздзьмулі такі скандал? Хтосьці, напэўна, убачыў, як закопваюць свінню і спалохаўся», — распавёў «IP»Георгій Хомчанка. Паводле яго слоў, «забіта было ўсяго 5-7 свіней, выключна каб узяць матэрыял для лабараторнага даследавання».
Хворым свінням паставілі афіцыйны дыягназ — у іх быў выяўлены рэспіраторна-рэпрадуктыўны сіндром свіней. Лабараторныя даследаванні праводзіліся як у беларускіх, так і расійскіх лабараторыях.Як сцвярджаюць абласныя і раённыя ветурачы, захворванне гэта не лічыцца небяспечным.
Па словах Георгія Хомчанки, хворых свіней зараз лечаць, а масавае знішчэнне жывёл і апавяданні сведкаў аб тым, як «у траншэі парасят жыўцом кідалі» — не больш, чым выдумка.
Чаму ж пад'езды да комплексу некалькі дзён ахоўвала міліцыя, калі нічога экстраардынарнага ў тым, што адбываецца на комплексе не было, а мор свіней — шараговая з’ява?
«Я не ведаю, можа быць ДАІ праводзіла нейкую акцыю», — выказаў меркаванне Георгій Хомчанка.
Каментары