Кампанія «У Беларусь і Еўропу — без візы» прапаноўвае грамадзянам даведацца ў чыноўнікаў, калі Беларусь плануе пачаць перамовы з ЕС аб спрашчэнні візавага рэжыму.
«Кожны грамадзянін Беларусі мае права спытаць у чыноўнікаў, калі, нарэшце, пачнуцца перамовы з ЕС аб візах. З такім пытаннем, напрыклад, можна звярнуцца ў беларускае Міністэрства замежных спраў, да вашых дэпутатаў розных узроўняў з дапамогай электронных зваротаў», — паведамляе
Апошні з заклікаў Рады ЕС да беларускіх уладаў пачаць перамовы прагучаў 18 лютага 2013 года. Аднак перамовы дагэтуль не пачаліся.Рада міністраў ЕС яшчэ ў чэрвені 2011 года запрасіла Беларусь да пачатку перамоў аб спрашчэнні візавага рэжыму.
Пагадненне аб спрашчэнні візавага рэжыму з ЕС ужо даўно падпісалі Малдова, Украіна і Расія.У найбліжэйшыя месяцы набудзе моц пагадненне з Арменіяй, працягваюцца перамовы з Азербайджанам.
Беларусь рызыкуе стаць адзінай краінай Усходняга партнёрства, грамадзяне якой будуць вымушаны плаціць за шэнгенскую візу не 35, а 60 еўра.Больш за тое, Малдова, Украіна і Расія даволі ўпэўнена прасоўваюцца да бязвізавага рэжыму з ЕС.
Як паведамлялася раней, для таго каб спачатку спрасціць, а потым і адмяніць візавы рэжым з ЕС, любая краіна павінна прайсці некалькі крокаў.Першы крок на шляху да адмены віз уключае падпісанне дагавора аб візавай фасілітацыі і рэадмісіі. Пагадненне дазволіць паменшыць цану віз, а для некаторых катэгорый грамадзян поўнасцю зрабіць іх бясплатнымі.
На другім этапе пачынаецца дыялог аб візавай лібералізацыі з ЕС, абмяркоўваецца спіс рэформ, якія краіна павінна выканаць для адмены візавага рэжыму. Калі краіна выконвае ўсе патрабаванні плана і даказвае, што яго палажэнні рэалізуюцца на практыцы, ЕС прымае рашэнне аб візавай лібералізацыі з гэтай краінай, гэта значыць аб адмене кароткатэрміновых віз.
Каментары