«Пакуль міліцыя лезла у дом, усе мы разам з пастарам Сабілам маліліся за тое, каб скончыліся нашэсьці бязбожнікаў, каб мы вольна расьціць сваіх дзяцей у беларускай культуры, з апорай на нашу хрысьціянскую веру»…
26 жніўня ўвечары ў Гомелі міліцыянты блякавалі прыватны дом на вуліцы Палескай,52, дзе праходзіла сустрэча жыхароў гораду з былым вязьнем ГУЛАГу, пастарам закрытай уладамі Беларускай эвангельскай царквы Эрнэстам Сабілам, і затрымалі 9 удзельнікаў сустрэчы.
Маёр з Чыгуначнага райаддзелу міліцыі Гомеля Уладзімір Гасімаў разам лейтэнантам Анатолем Лоем і байцамі спэцназу хацелі без ордэра на ператрус зайсьці ў дом на той падставе, што там нібыта хаваюцца злачынцы. Калі старшыня гарадзкой арганізацыі АГП Андрэй Толчын папрасіў назваць прыкметы злачынцаў, маёр Гасімаў адказаў, што «гэтыя зьвесткі сакрэтныя».
Урэшце міліцыянты пералезьлі праз агароджу і пачалі затрымліваць тых удзельнікаў сустрэчы, у якіх не было з сабою пашпартоў.Такіх набралася дзевяць чалавек.
«Нас завезьлі ў пастарунак і стала зьвяраць нашы прозьвішчы з базай зьвестак, якія ёсьць у міліцыі. Потым адпускалі. Пакуль міліцыя лезла у дом, усе мы разам з пастарам Сабілам маліліся за тое, каб скончыліся нашэсьці бязбожнікаў, каб мы вольна расьціць сваіх дзяцей у беларускай культуры, з апорай на нашу хрысьціянскую веру»,— сказала «Свабодзе» адна з затрыманых жанчын.
Фота Юліі Дарашкевіч
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары