Улады расейскай сталіцы выдзелілі спэцыяльную пляцоўку для правядзеньня мітынгаў і шэсьцяў на набярэжнай Тараса Шаўчэнкі.
Улады расейскай сталіцы выдзелілі спэцыяльную пляцоўку для правядзеньня мітынгаў і шэсьцяў на набярэжнай Тараса Шаўчэнкі. Пра гэта сёньня паведаміў першы намесьнік кіраўніка прэс‑службы мэра і ўраду Масквы Міхаіл Саломенцаў.
Набярэжная Тараса Шаўчэнкі разьмяшчаецца насупраць Дома Ўраду РФ, непасрэдна ля Садовага Кальца. Саломенцаў падкрэсьліў, што ўрад Масквы рэкамэндуе «ўсім партыям і рухам накіроўваць свае заяўкі на правядзеньне мітынгаў і шэсьцяў з улікам гэтага адрасу».
Паводле М.Саломенцава, моладзевы рух «Наши» падаў ва ўрад Масквы заяўку на праведзеньне 9 верасьня маршу ад Цьвярской плошчы да Большого. Пасьля разгляду заяўкі, у маршы па гэтым маршруце руху «Наши» было адмоўлена. Як заявіў Саломенцаў, урад Масквы сыходзіў «з прынцыповай пазыцыі гораду: правядзеньне якіх‑небудзь мерапрыемстваў з удзелам значнай колькасьці людзей не павінна парушаць правы масквічоў, а таксама ўскладняць працу гарадзкога транспарту і рух аўтамабіляў». «Гаворка ідзе перш за ўсё аб цэнтральнай частцы сталіцы».
Дарэчы, адпаведна з прынятымі Масгардумай ў траўні папраўкамі, арганізоўваць публічныя мерапрыемствы ў цэнтры Масквы стала складаней — іх можна праводзіць толькі па ўзгадненьні з урадам гораду. Раней парадак падачы паведамленьня аб праведзеньні публічнага мерапрыемства на гэтай тэрыторыі рэгуляваўся прэфэктурай акругі.
Апроч таго, згодна заканадаўству, ў горадзе забаронена пры правядзеньні мітынгаў зьбірацца «больш чым два чалавекі на адзін квадратны мэтар ». Выключэньне — тэрыторыі аб’ектаў, якія з’яўляюцца помнікамі гісторыі і культуры. Ў гэтым выпадку мяжу запаўненьня тэрыторыі вызначаюцца ўрадам Масквы з улікам асаблівасьцяў аб’ектаў.
 Набярэжная Тараса Шаўчэнкі ў Маскве |
У Беларусі ўжо некалькі вечароў праблемы з інтэрнэтам. Расказваем, што адбываецца4
Каментары