28 верасня ў Жлобіне праходзіць другі дзень святкавання «Дажынак». Сёння фестываль наведае Аляксандр Лукашэнка, які традыцыйна ўручыць пераможцам жніва каштоўныя падарункі.
За святкаваннем назіраюць карэспандэнты «Нашай Нівы». Па іх словах, бліжэй да прыезду Лукашэнкі актывізаваліся службы бяспекі. Цэнтр горада перакрыты, да месца размяшчэння сцэны не пускаюць з фотаапаратамі і вялікімі ёмістасцямі з пітвом. Можна браць не больш за паўлітра вадкасці ў пластыкавай тары. Людзі выкідваюць у сметніцы пакункі з сокам.
Святкаванне ў Жлобіне ўражвае размахам. Складваецца ўражанне, дзеліцца фотакарэспандэнт «Нашай Нівы» Сяргей Гудзілін, што жлобінскія «Дажынкі» больш маштабныя, чым леташняе свята ўраджаю ў Горках. Магчыма, справа ў месцы правядзення — сталіца металургаў, што ні кажы.
У цэлым, святочныя пляцоўкі і аздабленне падворкаў нагадвае ранейшыя святы.
Глядзі таксама: Як Жлобін рыхтавалі да «Дажынак»
Каментары