СБУ затрымала грамадзянку Расіі, якая выконвала заданне спецслужбаў для дэстабілізацыі сітуацыі ў паўднёвых абласцях Украіны. Пра гэта паведамляе прэс-служба ведамства.
Марыя Каляда, 1991 г.н., прыбыла ў Херсон 4 красавіка 2014 года. Паводле яе слоў, гэта ўжо дзявятае яе падарожжа ва Украіну.
«На працягу 5-6 красавіка іншаземка правяла шэраг сустрэч з лідэрамі і актывістамі прарасійскіх рухаў у г. Херсон, а таксама наведала асобныя раённыя цэнтры вобласці для маніторынгу сітуацыі на месцах», — гаворыцца ў паведамленні СБУ.
7 красавіка яна прымала непасрэдны ўдзел у сутыкненнях пад Мікалаеўскай АДА, «падчас якіх ўжывала агнястрэльную зброю, у выніку чаго, па яе словах, параніла трох чалавек».
Аператыўнікамі ўстаноўлена, што 8 красавіка Каляда дала справаздачу свайму куратару ў РФ аб наяўнасці ў «актывістаў» самаробных выбуховых прылад у «неабмежаванай колькасці» і дасягнутай дамоўленасці адносна атрымання імі стралковай зброі.
«Яна таксама далажыла аб падрыхтоўцы двух дыверсійных груп (7 чалавек з Херсона і 6 з Новай Кахоўкі) для накіравання ў Данецк для ўдзелу ў масавых беспарадках», — паведамілі ў СБУ.
Таксама дыверсантка мела «высветліць стан ўзбраення супрацоўнікаў ГНСУ на мяжы АРК з мацерыковай часткай Украіны і магчымасць патраплення з Крыма, легальна або ў абыход устаноўленых пунктаў пропуску, асоб, якім СБУ забараніла ўезд ва Украіну».
Падчас затрымання ў расіянкі канфіскавалі траўматычны пісталет, пераабсталяваны пад стральбу баявымі патронамі і метадычныя рэкамендацыі для падрыхтоўкі дыверсійных груп.
Як паведамляе «Преступности.нет», Каляда з'яўляецца актывісткай.
Яна ў сацсетках сябруе з кіраўніком мікалаеўскай арганізацыі партыі «Рускі блок» Яўгенам Бандарэнкам і з дэпутатам Мікалаеўскага гарсавета ад Партыі рэгіёнаў Таццянай Чысцяковай.
Цяпер чытаюць
За выбух у мінскім метро судзілі не толькі Канавалава і Кавалёва. Як склаўся лёс яшчэ трох фігурантаў справы?5
Каментары