У мінскім метро правялі акцыю салідарнасці з наймалодшым беларускім палітвязнем — Яўгенам Васьковічам ФОТА
Маладыя хрысціянскія дэмакраты правялі 17 красавіка акцыю ў мінскім метро, яшчэ раз нагадаўшы з дапамогай улётак менчукам і уладам пра сітуацыю з беларускімі палітвязнямі, і перадусім з сябрам БХД Яўгенам Васьковічам, паведамляе bchd.info
За спробу падпалу ў ноч на 17 кастрычніка 2010 года будынка КДБ у Бабруйску, у які былі кінутыя бутэлькі з запальнай сумессю, Яўген Васьковіч разам з Арцёмам Пракапенкам і Паўлам Сырамолатавым 18 мая 2011 года быў асуджаны на падставе ч. 2 арт. 339 (злоснае хуліганства) і ч. 3 арт. 218 (наўмыснае знішчэнне або пашкоджанне маёмасці ў асабліва буйных памерах) Крымінальнага кодэкса на сем гадоў пазбаўлення волі з адбываннем пакарання ў калоніі ўзмоцненага рэжыму.
Васьковіч — адзін з наймалодшых беларускіх палітвязняў. Яго асудзілі за напад на будынак КДБ у Бабруйску, які адбыўся ў ноч з 16 на 17 кастрычніка 2010 года.
У нападзе ніхто не пацярпеў, а рэальныя страты склалі 253 тысячы рублёў, якія былі кампенсаваныя. Нягледзячы на гэта, Яўгена Васьковіча суд прысудзіў да сямі гадоў зняволення ў калоніі ўзмоцненага рэжыму. Яўген некалькі разоў адмаўляўся пісаць прашэнне аб памілаванні, а з кастрычніка 2011 г. па студзень 2014 г. 247 сутак правёў у штрафным ізалятары.
Васьковіч Яўген Сяргеевіч сядзіць у турме №4, 212011, г. Магілёў, вул. Крупскай, 99А.
Каля плошчы Бангалор у Мінску вырас яшчэ адзін звышсакрэтны аб’ект13
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары