Расія папярэдзіла Малдову рызыкамі інтэграцыі з ЕС, паведаміў РІА Навіны намеснік міністра эканамічнага развіцця РФ Аляксей Ліхачоў.
«Малдова не зможа спалучаць дзве рэгулятарныя сістэмы: СНД і ЕС. Ёй давядзецца рабіць нейкі выбар. І калі ён будзе на карысць еўрапейскай сістэмы, то сістэма СНД перастане быць камфортнай. Мы гэтыя думкі данеслі, але малдаўскія калегі кажуць, што змогуць гэтага пазбегнуць, і абяцалі нам прадставіць адпаведныя пацверджанні», — сказаў Ліхачоў.
Двухбаковыя кансультацыі ў сувязі з падрыхтоўкай Малдовы да падпісання пагаднення аб асацыяцыі з ЕС прайшлі на мінулым тыдні ў Кішынёве. Падпісанне дамовы з ЕС намечана на 27 чэрвеня.
Расійскі чыноўнік падкрэсліў, што пазіцыя Расіі прагматычная і не звязана з палітычным выбарам Малдовы: гаворка ідзе толькі аб эканамічных рызыках.
Акрамя таго, у Малдове ў выпадку падпісання пагаднення з ЕС могуць узнікнуць супярэчлівыя абавязацельствы па мытным, транспартным рэгуляванні, санітарным і міграцыйным кантролі. Прычым найбольш балючымі могуць апынуцца разыходжанні менавіта ў галіне прымянення санітарных нормаў і ў сферы міграцыйнай палітыкі, сказаў Ліхачоў.
Цяпер чытаюць
Дзе працуюць і як выглядаюць жонкі топ-чыноўнікаў?11
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча99
Каментары