Сепаратыстам на ўсходзе Украіны патрэбна ваенная дапамога Расіі, пра гэта заявіў адзін з лідараў прарасійскіх баевікоў на Данбасе Ігар Стралкоў.
«Чытаю на іншых рэсурсах некаторыя каментары з нагоды перспектыў апалчэння і магчымасці ўмяшання Расіі. Адно магу сказаць — пастаўкі цяжкага ўзбраення маглі выратаваць сітуацыю яшчэ тыдзень таму.
Зараз час страчаны. Патрэбна ваенная дапамога Расіі», —
гаворыцца ў паведамленні на старонцы Стралкова ў «Вконтакте».
Раней у чацвер генеральны сакратар NATO Андэрс Фог Расмусэн заявіў, што можа пацвердзіць новае скапленне вайскоўцаў уздоўж расійска-ўкраінскай мяжы.
Афіцыйна расійскія ўлады да гэтага часу казалі толькі аб гуманітарнай дапамозе для Данбаса, але асобныя палітычныя і грамадскія дзеячы выказваліся пра неабходнасць ваеннага садзейнічання сепаратыстам ва Украіне.
Генпракуратура Украіны інкрымінуе Ігару Стралкову стварэнне тэрарыстычнай арганізацыі.
Цяпер чытаюць
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары