Будаўніцтва шматфункцыянальнага комплексу з элітным гатэлем каля цырка ў Мінску прадоўжана да канца 2015 года.
Адпаведны ўказ № 517 Аляксандр Лукашэнка падпісаў 12 лістапада. Ім уносяцца змены і дапаўненні ва ўказ ад 11 мая 2010 г. № 243, які даваў старт пачатку будаўніцтва аб'екта ў квартале прасп. Незалежнасці — вул. Я.Купалы — р. Свіслач.
З дакумента таксама выдалена назва гасцініцы — «Кемпінскі». Першапачаткова яна павінна была быць пабудавана да чэмпіянату свету-2014 па хакеі. Зараз у ўказе фігуруе безназоўны гатэль.
Некалькі месяцаў таму міжнародны гатэльны брэнд Kempinski разаслаў ліст з свайго цэнтральнага офіса, паведаміўшы, што «яны не будуць кіраваць гатэлем» у Мінску. Хаця яшчэ вясной і ў пачатку лета кампанія «Кей Эм Лакшэры Хотэл/Кемпінскі Плаза Мінск» набірала супрацоўнікаў. Але, як паведаміў адзін з удзельнікаў гэтага працэсу, у ліпені прадстаўнікі кампаніі «замарозілі» падбор персаналу.
Заказчыкам будаўніцтва гэтага шматфункцыянальнага комплексу ў Мінску з'яўляецца кампанія «Эліт Эстэйт». Гэта даччынае прадпрыемства групы кампаній «Трайпл» беларускага алігарха Юрыя Чыжа.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары