На 46,73% (з 9.568,5 да 14.040 рублёў) вырас сярэдні курс наяўнага даляра ў 2014 годзе, сведчыць праведзены БелаПАН маніторынг каціровак, што выстаўляюцца галоўнымі аддзяленнямі беларускіх банкаў.
У студзені амерыканская валюта падаражэла на 0,64%, у лютым — на 1,51%, у сакавіку — на 0,97%, у красавіку — на 1,29%, у маі — на 1,01%, у чэрвені — таксама на 1,01%, у ліпені — на 1,03%, у жніўні — на 1,13%, у верасні — на 1,56%, у кастрычніку — на 1,38%, у лістападзе — на 1,28%, у снежні — на 29,19%.
Сярэдні курс куплі павялічыўся за апошні месяц на 25,87% (з 10.816 да 13.614 рублёў), продажу — на 32,47% (з 10.920 да 14.466). Максімальны курс куплі павысіўся з 10.850 да 13.820 рублёў, мінімальны курс продажу — з 10.890 да 14.280, максімальны — з 10.950 да 14.562.
Варта адзначыць, што ў Літве ў пераліку па крос-курсе наяўны долар 31 снежня куплялі па 13.420—14.100 і прадавалі па 27.000—27.040 беларускіх рублёў (каціроўкі Медыцынскага банка ў Вільні і Клайпедзе).
Біржавы курс амерыканскай валюты павысіўся з пачатку года на 25% (з 9.520 да 11.900), у тым ліку за студзень — на 1,26%, люты — на 1,35%, сакавік — на 1,13%, красавік — на 1,01%, май — на 1,10%, чэрвень — на 1,09%, ліпень — на 1,18%, жнівень — на 1,07%, верасень — на 1,53%, кастрычнік — на 1,23%, лістапад — на 0,84%, снежань — на 10,08%.
У 2013 годзе сярэдні курс наяўнага даляра вырас на 10,88%.
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары