Еўрарадыё
У суботу, 10 студзеня, падчас панк-вечарыны ў мінскім клубе «Піраты» па адрасе Партызанскі праспект, 6а ў залу ўварваліся байцы спецпадраздзялення.
Відавочцы паведамляюць, што многія з амапаўцаў былі ў масках. Усіх прысутных знялі на камеру, перапісалі іх дадзеныя і прымусілі разысціся. У дадзены момант прысутных выводзяць з клубу. Каля будынку дзяжураць аўтазакі. Першапачаткова іх было два. Потым «падалі» трэці. Пра гэта паведаміў праваабаронца Міхаіл Мацкевіч, супрацоўнік Lawtrend, які прысутнічае на месцы падзей.
Паводле яго, затрыманыя двое гасцей панк-вечарыны, якія прадавалі панк-атрыбутыку. Затрыманых першапачаткова музыкаў з Італіі адпусцілі.
Сілавікі ад каментароў адмовіліся.
Знаёмыя затрыманых удзельнікаў вечарыны паведамілі, што тых на некаторы час замкнулі ў клубе, не дазвалялі адказваць на мабільныя званкі.
Каментары