Лідар грамадзянскай кампаніі «Гавары праўду», кандыдат у прэзідэнты Беларусі на выбарах 2010 года Уладзімір Някляеў заявіў аб выхадзе з апазіцыйных структур.
«Двухгадовыя перамовы беларускай апазіцыі па вылучэнні адзінага кандыдата і вызначэнні сумеснай праграмы на прэзідэнцкія выбары 2015 завяршыліся безвынікова», — гаворыцца ў заяве Някляева.
«У сувязі з гэтым заяўляю аб сваім выхадзе з апазіцыйных структур, у тым ліку з грамадзянскай кампаніі «Гавары праўду», актывістам якой я назаўжды ўдзячны за працу і падтрымку. Незалежнасць і дэмакратычная будучыня Беларусі застаюцца для мяне найважнейшай каштоўнасцю. Дзеля гэтага я буду працаваць і далей», — падкрэслівае палітык.
Аб выхадзе з апазіцыйнай кааліцыі (у яе ўваходзяць «Гавары праўду», Партыя БНФ, рух «За свабоду», Беларуская сацыял-дэмакратычная партыя (Грамада), Аб'яднаная грамадзянская партыя, Беларуская партыя левых «Справядлівы свет») Уладзімір Някляеў заявіў 8 красавіка на пасяджэнні «сямёркі», дзе безвынікова абмяркоўвалася пытанне аб скліканні кангрэса дэмакратычных сіл і вылучэнні на ім адзінага кандыдата ў прэзідэнты.
Апазіцыйным сілам да гэтага часу не ўдалося дамовіцца аб вылучэнні адзінага кандыдата, а на сённяшнім пасяджэнні «сямёркі» не было дасягнута і пагадненне аб правядзенні кангрэса дэмсілаў.
7 красавіка рэспубліканская рада «Гавары праўду» прыняла рашэнне вылучаць кандыдатам у прэзідэнты актывістку кампаніі Таццяну Караткевіч.
Цяпер чытаюць
Бабарыка зоймецца бізнэсам — ужо адкрыў кампанію ў Германіі5
Бабарыка зоймецца бізнэсам — ужо адкрыў кампанію ў Германіі
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1212
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу12
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары