Суд Савецкага раёну Гомеля аштрафаваў мясцовага таксіста Кастуся Жукоўскага на 50 базавых велічынь за грашовы падарунак, які той атрымаў на вясельле.
Як палічыў суд, Кастусь Жукоўскі наўмысна не задэклараваў грошы, якія атрымаў у якасці падарунка на ўласным вяселлі ад цёткі з Украіны. Дзве тысячы долараў, якія падаравала сваячка, падаткавікі палічылі замежнай дапамогай, якая, згодна з прэзідэнцкім дэкрэтам, павінна абавязкова дэкларавацца ў падатковай інспекцыі. Цікава, што дазналіся пра гэты падарунак падаткавікі непасрэдна ад самога абвінавачанага, калі той з парады юрыста падаў сваю дэкларацыю аб прыбытках.
Вось што пра гэты выпадак распавёў сам Кастусь Жукоўскі:
‑ Калі ад мяне запатрабавалі дэкларацыю, перш за ўсё я звярнуўся да юрыста, каб ні ў чым не памыліцца. Той мне і параіў задэклараваць гэтыя грошы, што я і зрабіў. У падатковай я патлумачыў, што гэтыя грошы атрымаў на вяселле. Яны са свайго боку запатрабавалі спіс усіх запрошаных — 79 чалавек. Таму я проста раскідаў усе грошы на трох чалавек. І сярод іх апынулася і цётка з Украіны.
Тое ж самае Жукоўскі сёння патлумачыў і ў суддзе. Але сведчанні таксіста не былі прынятыя да разгляду, што вельмі пакрыўдзіла абвінавачанага:
‑ Маё асабістае стаўленне да прысуду такое: ёсць чалавек — ёсць артыкул. Я абавязкова буду абскарджваць прысуд, бо гэта супярэчыць і чалавечым паняццям і народным традыцыям.
Кастусь Жукоўскі спадзяецца, што гарадскі суд больш уважліва падыйдзе да разгляду яго справы і перакваліфікуе артыкул пакарання на больш мяккі. Калі гэтага не адбудзецца, то сплаціць такі вялікі штраф таксіст не зможа:
‑ Я усё ж спадзяюся, што вышэйшы суд прыме мой бок, бо 750 долараў для мяне — гэта непад’ёмная сума.
Цяпер чытаюць
Былога беларускага палітвязня судзяць у Літве за падрыхтоўку да забойству расійскага апазіцыянера. Пагражае аж да пажыццёвага6
Каментары