У студзені—сакавіку 2015 года валютныя паступленні Беларусі склалі 7,74 млрд даляраў і знізіліся на 2,5 млрд даляраў у параўнанні з аналагічным перыядам мінулага года/ Cёлета валютная выручка знаходзіцца на мінімальным з 2011 года ўзроўні.
Асобна ў сакавіку грашовыя паступленні па экспарце тавараў і паслуг, даходах і трансфертах склаліся на ўзроўні 2,9 млрд даляраў, што ніжэй за ўзровень аналагічнага месяца мінулага года на 22,5%. У лютым і студзені, нагадаем, валютныя паступленні складалі 2,3 млрд і 2,55 млрд даляраў (супраць 3,3 млрд даляраў і 3,2 млрд. даляраў у лютым і студзені 2014 года адпаведна).
Значнае зніжэнне валютнай выручкі ў першым квартале 2015 года абумоўленае галоўным чынам скарачэннем аб'ёмаў экспарту тавараў. За студзень—сакавік гэтага года валютныя паступленні Беларусі ад экспарту тавараў склалі 6,1 млрд. долараў і знізіліся на 26,9% у параўнанні з першым кварталам 2014 года. З улікам паслуг валютныя паступленні склалі 7,56 млрд. даляраў.
Скарачэнне экспартнай выручкі адбылося ў першую чаргу ў выніку зніжэння беларускіх паставак у Расію. За першы квартал 2015 года грашовыя паступленні Беларусі з Расіі склалі 2,76 млрд даляраў і скараціліся ў параўнанні з аналагічным перыядам 2014 года на 34,3%.
Каментары