Інцыдэнт адбыўся ў польскім Кнуруве 2 мая падчас матчу «Канкордыя» (Кнурув) — «Рух» (Радзенкув), паведамляе партал Iknurow.
Пасля матчу частка фанатаў выбегла на поле, а заўзятары каманды гаспадароў атакавалі фанатаў гасцявой каманды. Дыктар стадыёна заклікаў іх супакоіцца, але ў сітуацыю ўсё ж прыйшлося ўмяшацца прадстаўнікам паліцыі. Адзін з іх зрабіў некалькі стрэлаў — гумовая куля патрапіла ў шыю фанату, парушыла кровазварот у артэрыях ў вобласці гартані.
На 17-й хвіліне відэа можна разгледзець, як адзін з фанатаў (у шэрай байцы з капюшонам) падскоквае ад болю пасля таго, як у яго трапляе куля.
27-гадовы заўзятар быў дастаўлены ў бальніцу, аднак яго жыццё выратаваць не ўдалося.
Пасля смерці фаната некалькі сотняў чалавек сабраліся перад шпіталем і будынкам паліцыі ў Кнурове, дзе пачаліся сутыкненні з паліцыяй.
У некаторых з тых, хто сабраўся былі пры сабе «кактэйлі Молатава». У ходзе сутыкненняў пацярпелі некалькі паліцэйскіх.
Цяпер чытаюць
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары