У МЗС Францыі заявілі пра ўдзел расійскіх снайпераў у расстрэле Еўрамайдану
Міністэрства замежных спраў і міжнароднага развіцця Францыі ведае, што сярод узброеных людзей, якія зімой мінулага году забівалі пратэстоўцаў на Майдане ў Кіеве былі агенты расійскіх спецслужбаў.
Пра гэта ў дакументальным фільме журналіста і пісьменніка Сержа Мааці для тэлеканала France-3 распавёў дырэктар дэпартамэнта кантынентальнай Еўропы МЗС Францыі Эрык Фурнье, паведаміла агенцтва Укрінфарм.
«У той час [у лютым 2014], калі мы з Ларанам Фабіусам знаходзіліся ў дзяржаўным будынку (Адміністрацыя прэзідэнта Украіны на вул.Банковай у Кіеве), снайперы — элітныя стралкі стралялі ў натоўп, мы ведаем, што сярод іх былі агенты расійскіх спецслужбаў… І (было) 70-80 загінулых за дзень. Мы заставаліся там (у будынку) і вялі перамовы з Януковічам наконт пошуку палітычнага рашэння», —кажа на 38-й хвіліне фільма Фурнье, распавядаючы пра падзеі лютага 2014-га.
Дакументальны фільм «Кэ д'Арсэ. Кулісы дыпламатыі» (Quai d'Orsay: Les coulisses de la diplomatie) прыкладна на адну траціну прысвечаны падзеям ва Украіне і ролі французскай дыпламатыі ў пошуку выхаду з крызісу, выкліканага агрэсіяй РФ супраць Украіны.
Поўная версія фільма Quai d'Orsay: Les coulisses de la diplomatie.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3
Каментары