Пуцін даручыў распрацаваць рытуал.
Прэзідэнт Расіі Уладзімір Пуцін падпісаў указ аб знішчэнні з 6 жніўня тавараў, увоз якіх забаронены ў рамках прадуктовага эмбарга.
Пад дзеянне ўказа не трапляюць тавары, увезеныя фізічнымі асобамі для асабістага карыстання, а таксама прадукцыя, прызначаная для перавозкі ў трэція краіны.
У сярэдзіне ліпеня Пуцін даручыў ураду распрацаваць механізм знішчэння незаконна ўвезеных тавараў.
Прапанову распрацаваць механізм, які дазволіў бы знішчаць санкцыйныя тавары «на месцы», зрабіў міністр сельскай гаспадаркі Аляксандр Ткачоў.
У канцы чэрвеня расейскія ўлады працягнулі эмбарга на пастаўкі прадуктаў з краін, якія ўвялі супраць Расіі санкцыі ў сувязі з сітуацыяй на Украіне і анексіяй Крыма, да жніўня 2016 года. Перад гэтым Еўрасаюз падоўжыў тэрмін дзеяння эканамічных санкцый у дачыненні да Расіі на паўгода.
У пачатку ліпеня арбітражны суд Санкт-Пецярбурга і Ленінградскай вобласці вынес рашэнне аб тым, што забарона на ўвоз санкцыйных прадукцыі не раўназначная забароне на яе продаж. Расспажыўнагляд абскардзіў гэтае рашэнне і запатрабаваў скасаваць дазвол на продаж санкцыйных прадуктаў.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы6
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары