Міністэрства абароны Расіі абвясціла аб планах правесці ваенна-марскія вучэнні ва ўсходняй частцы Міжземнага мора.
Як паведамляе прэс-служба ведамства, усяго плануецца выканаць больш за 40 розных баявых практыкаванняў, у ліку якіх будуць ракетныя і артылерыйскія стрэльбы па наземных і паветраных цэлях.
Паводле дадзеных міністэрства, у вучэннях прымуць удзел ракетны крэйсер «Масква», вартаўнічы карабель «Кемлівы», вялікі дэсантны карабель «Саратаў» і суды забеспячэння.
Вялікі дэсантны карабель «Саратаў» прызначаны для высадкі марскіх дэсантаў на неабсталяваным узбярэжжы і перакідання морам войскаў і грузаў. Карабель можа перавозіць да 20 танкаў або 45 БТР, а таксама 300-400 чалавек дэсанту.
Пры гэтым высадка дэсанту ў праграму вучэнняў не ўваходзіць. Замест гэтага будуць адпрацоўвацца супрацьлодкавая, супрацьпаветраная і супрацькарабельная абарона, а таксама пошукава-выратавальныя дзеянні.
Папярэднія вучэнні расійскага флоту ў Міжземным моры прайшлі ў студзені 2013 года і сталі першымі пасля доўгага перапынку.
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
-
Прэзідэнт Фінляндыі расказаў, якія пасланні ад Украіны перадаў Пуціну падчас размовы з ім
-
Амерыканец два месяцы насіў у кашальку латарэйны білет, не ведаючы, што ён выйграў мільён
Цяпер чытаюць
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск77
Каментары