Беларуска прайшла адбор польскага шоу талентаў «The Voice of Poland»
Шматгадовая лаўрэатка фестывалю «Беларуская песня» і выпускніца Гайнаўскага беларускага ліцэя заваявала сэрцы журы польскага талент-шоу «The Voice of Poland».
Маладая спявачка Рэната Тушынская сваім голасам пераканала да сябе вядомых польскіх музыкаў: Эдыту Гурняк, Анджэя Пясэчнага ды сябраў гурту «Afromental».
Цяпер яе чакаюць чарговыя этапы змагання з іншымі таленавітымі музыкамі.
Рэната Тушынская вучыцца ў музычна-эстраднай школе і спявае ў адным з беластоцкіх блюз-пабаў.
Рэната Тушынская:
— Спяваць у Варшаве было для мяне вельмі цяжка: вялікі стрэс і вялікая аўдыторыя, плюс славутыя асобы… Спяванне беларускай песні было вельмі важным у маім жыцці, беларуская мова больш меладычная.
Маці спявачкі, Гэлена Тушынская:
— Я вельмі ганаруся, аж не стае словаў. Яна заўсёды ведала, чаго хоча і выступала ў Гайнаўцы у беларускі гурце «Знічка», калі вучылася ў ліцэі.
Цяпер спявачка рыхтуецца да чарговага этапу талент-шоу польскага тэлебачання. Праграма з яе ўдзелам ужо ў кастрычніку.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары