Лукашэнка прыгразіў апазіцыі: «Выбары заканчваюцца сёння ў 20 гадзін». «Я ведаю ўсіх апазіцыянераў, іх 400 чалавек з 10 мільёнаў»
Аляксандр Лукашэнка ўзяў удзел у галасаванні на выбарчым участку № 1 Цэнтральнага раёна Мінска. Размаўляючы з журналістамі, дзеючы прэзідэнт заклікаў апазыцыю «жыць па законе».
«Нават калі яны ўчора ў парушэнне нашых законаў выйшлі — там не было ніводнага міліцыянта. Я жорстка запатрабаваў — не чапайце нікога да выбараў. Выбары заканчваюцца сёння ў 20 гадзін. Я папярэджваю — пачынайце жыць па законе!», — cказаў ён.
Ён таксама адзначыў, што ведае ўсіх апазіцыянераў, «іх 400 чалавек з 10 мільёнаў».
«Яшчэ раз папярэджваю — выбары заканчваюцца ў 20 гадзін. Выконвайце закон», — прыгразіў ён.
Лукашэнка таксама нагадаў, што ў апазіцыі ёсць месцы, дзе ім не забаронена збірацца. Ён паабяцаў гранты ў апазіцыі не адбіраць, але народу распавядаць, адкуль грошы.
Лукашэнка таксама закрануў тэму санкцыяў, падкрэсліўшы, што яны «не супраць Лукашэнкі, а супраць Беларусі».
«Пра санкцыі — радуйцеся, калі здымуць санкцыі — яны пераканаліся, што санкцыі на шкоду, а Беларусь — прыстойная дзяржава!», — заявіў ён журналістам.
Гаворачы аб выбарах, Аляксандр Лукашэнка нагадаў, што за яго заўсёды былі «дзве траціны насельніцтва».
«Дрэнна будзе, калі менш за мяне прагаласуюць, чым у мінулы раз. Значыць, людзі адварочваюцца. Вынік вельмі важны — пераважная гэта падтрымка ці не», — падсумаваў ён.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары