Міліцыя адмовілася пачынаць справу на запыт палітыкаў аб праслухоўванні
Адпаведны адказ атрымаў старшыня Аб’яднанай грамадзянскай партыі Анатоль Лябедзька.
Анатоль Лябедзька ў інтэрвію Свабодзе назваў адказ міліцыі «вельмі фармальным».
«Я б сказаў — гэта дзіцячы лопат. Яны не зрабілі нейкіх нават элемэнтарных рэчаў. Па-першае, у тым жа «Салодкім фальварку» ёсьць відэакамэры, а яны нават не здагадаліся паглядзець, ці ёсьць там відэаматэрыялы, якія маглі б нешта даць для ўстанаўленьня ісьціны.
Па-другое, яны нават не праявілі цікавасьці да галоўнага доказу праслухоўваньня — самога прыставаньня для праслухоўваньня, што таксама падкрэсьлівае, што ўсё гэта было фармальна, ніхто гэтым не займаўся.
Па-трэцяе, нават не зрабілі спробы высьветліць у пракуратуры — ці ёсьць санкцыя, дазвол спэцслужбам на наша праслухоўваньне. Тады б усё стала на свае месцы.
Адсутнасьць гэтых трох крокаў, для мяне як мінімум, сьведчыць пра тое, што ніхто не зьбіраўся праводзіць расьсьледаваньне, што ўсё гэта фармалізавана. Адзіны пазытыўны вынік — тое, што мы пасадзілі іх у лужыну. Сакрэт Палішынэля, што нас праслухоўваць, але ўсё ж такі прад’явіць доказы — гэта нешта іншае», — заявіў палітык.
Лябедзька кажа, што больш ні ў якія дзяржаўныя органы па гэтай справе зьвяртацца ня будзе.
«Ня будзем марнаваць час. Вось гэтую працэдуру мы зрабілі, а далей гэта проста марны час, патрачаны на перапіску зь сілавымі структурамі».
Лябедзька сьцьвярджае, што 16 кастрычніка падчас сустрэчы з Уладзімерам Някляевым у менскай кавярні «Салодкі фальварак» на плошчы Перамогі выявіў у сурвэтніцы «жучок» для праслухоўваньня і запісу размовы.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары