Прэм'ер-міністр Расіі Дзмітрый Мядзведзеў падпісаў пастанову аб абмежаванні дзяржаўных закупак замежных лекаў.
Згодна з пастановай, апублікаванай на сайце ўрада, заказчык павінен адхіляць усе прапановы аб пастаўцы лекаў з-за мяжы пры ўмове, што было пададзена не менш за дзве заяўкі на пастаўкі з Расіі і краін-членаў Еўразійскага эканамічнай саюза (у яго ўваходзяць Расія, Беларусь, Арменія, Казахстан і Кыргызстан).
Кіраўнік расійскага мінгандлю Дзяніс Мантураў запэўнівае, што пастанова, якая ўступіць у сілу праз сем дзён, дазволіць знізіць цэны на жыццёва важныя прэпараты.
Усяго ў спісе жыццёва важных прэпаратаў 608 найменняў, з іх 282 — гэта тыя лекі, па якіх ёсць два і больш расійскіх вытворцы, падкрэсліў Мантураў.
У верасні Мядзведзеў паабяцаў, што замежныя лекавыя прэпараты, якія не маюць расейскіх аналагаў, не трапяць пад забарону ў Расіі.
«Асноўная задача — забяспечыць нейкую лекавую незалежнасць, але гэта не значыць, што мы павінны адмовіцца ад імпартных лекаў, барані бог, ёсць маса імпартных прэпаратаў, якія мы імпартавалі і будзем імпартаваць, таму што яны перадавыя, таму што няма аналагаў у нашай краіне», — тлумачыў прэм'ер на сустрэчы з актывам «Адзінай Расіі».
Цяпер чытаюць
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?2
Дарафеева захапляецца Грэцыяй, а Лебедзева лашчыць капібар у Тайландзе. Дзе адпачываюць лукашэнкаўскія зоркі?
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары