Былы французскі біятланіст Рафаэль Пуарэ расказаў нарвежскаму Dagbladet пра тое, як падпісваў кантракт, уладкоўваючыся працаваць трэнерам у зборную Беларусі ў 2012 годзе, і чаму завяршыў супрацоўніцтва.
Для падпісання кантракту француз сустракаўся са старшынёй КДБ Беларусі Вадзімам Зайцавым, які ў той час узначальваў Федэрацыю біятлона Беларусі.
«Мы сустрэліся ў бары. Вакол нас былі целаахоўнікі са зброяй. Калі ты абмяркоўваеш кантракт у Беларусі, то трэба выпіць гарэлкі. Праз дзве гадзіны мы абодва былі п'янымі.
Ён сказаў мне: «Ты не думай, што КДБ цяпер такі, як раней. Мы больш не забіваем людзей». Я падумаў: «Добра». Мы пілі гарэлку і абмяркоўвалі тэрарызм і ўсё запар. Гэта было крыху незвычайна.
Мне трэба было пабудаваць каманду для будучыні. Але яны хацелі стаць чэмпіёнамі свету за адзін дзень. Гэта было немагчыма. Пасля года маёй працы нічога не змянілася. Усе былі настроены супраць мяне.
Беларусь — краіна, якая на 15—20 гадоў ззаду нас. Яны баяліся новых выпрабаванняў, калі я прадставіў праграму пераменаў. Шэф КДБ быў таксама звольнены, таму што падтрымліваў мяне. Гэта быў цікавы досвед», — распавёў Пуарэ.
Цяпер чытаюць
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары