Пад петыцыяй з просьбай звольніць Люсю Лушчык з АНТ сабралі 40 тысяч подпісаў
Пад петыцыяй да кіраўніцтва тэлеканала АНТ з просьбай звольніць тэлевядучую Люсю Лушчык на сайце Change.org сабрана амаль 41 тысяча подпісаў.
«Той, хто так бесцырымонна абыходзіцца з матчынымі пачуццямі і пачуццямі дзіцяці, не мае права з'яўляцца на экранах тэлевізараў. Рыгор Леанідавіч Кісель, звольніце Люцыю Лушчык! Яна — гэта імідж вашага канала!» — гаворыцца ў вельмі эмацыйнай петыцыі.
Петыцыі на Change.org не маюць юрыдычнага значэння. Кіраўніцтва дзяржаўных органаў не абавязана рэагаваць ці адказваць на іх.
Нагадаем, што тэлезорка канала АНТ стала фігуранткай скандалу. Разам са сваім новым мужам, бізнэсоўцам Андрэем Герашчанкам, яна змагаецца за ягоную дачку.
Як сцвярджае мама гэтай дзяўчынкі, Ілона Герашчанка, яе абмяжоўваюць у магчымасцях бачыцца з дачкой. Больш за тое, Лушчык спрабавала дыскрэдытаваць Ілону ў прысутнасці дзяўчынкі.
Зрэшты, глядзіце самі на відэа.
45-гадовы Андрэй Герашчанка — бізнэсовец, уласнік спартовага клуба Sporting club і кампаніі-імпарцёркі бытавой хіміі і касметыкі. У мінулым ён быў спартоўцам, удзельнікам Алімпіяды ў Пекіне па стральбе.
35-гадовая Люся Лушчык — свецкая львіца, тэлевядоўца розных праграм АНТ.
34-гадовая Ілона Герашчанка — заснавальніца клуба ранняга дзіцячага развіцця Global Child — першага такога ў Мінску англамоўнага.
Варта адзначыць, што суд Цэнтральнага раёна Мінска адмовіў Ілоне Герашчанка ў пазове аб абароне гонару і годнасці да тэлезоркі, вядомай пад псеўданімам «Люцыя Лушчык» (у цывільным жыцці Люцыя Герашчанка).
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары