Некаторыя віды цыгарэт падаражэюць у Беларусі з 1 жніўня, паведамілі ў прэс-службе Міністэрства па падатках і зборах.
Павелічэнне кошту закране прадукцыю ААТ «Гродзенская тытунёвая фабрыка «Нёман». Так, цыгарэты Alliance стануць даражэйшыя на 5 капеек, некаторыя віды цыгарэт Pall Mall — на 10 капеек, а некаторыя віды Kent — на 15 капеек.
Стане даражэйшай і прадукцыя ТАА «Тытунь-Інвест». Напрыклад, некаторыя віды цыгарэт Monte Carlo і Winston павялічацца ў цане на 5 капеек, Camel — 5-10 капеек.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.
Каментары