У Навагрудскім раёне грузавік насмерць збіў кіроўцу, які стаяў на абочыне. Той незадоўга да гэтага за рулём грузавога Mercedes не справіўся з кіраваннем на гэтым жа ўчастку дарогі, павемляе ДАІ Гродна.
Аварыя адбылася 16 жніўня, каля 6.00, непадалёк ад вёскі Косічы. На закругленні трасы Наваельня — Валееўка, дзе ідуць рамонтныя работы, кіроўца грузавіка Mercedes няправільна выбраў хуткасць руху, не справіўся з кіраваннем і з'ехаў на абочыну. Мужчына выйшаў з аўтамабіля і быў каля яго.
Прыкладна праз гадзіну на гэтым жа ўчастку дарогі не справіўся з кіраваннем яшчэ адзін кіроўца грузавога аўто. Аўтамабіль вылецеў з дарогі, урэзаўся ў Mercedes, што стаяў на абочыне, і наехаў на кіроўцу, які быў побач. Ад атрыманых траўмаў мужчына загінуў на месцы здарэння.
— На момант ДТЗ дарожнае пакрыццё было мокрым праз дождж. Таксама фактарам, які пагаршаў счапленне, з'яўляўся нанесены на трасу пласт бітуму, — распавялі ў ДАІ. — Перад гэтым участкам дарогі рабочыя загадзя выставілі знакі «Часовае абмежаванне хуткасці», «Дарожныя работы», «Слізкая дарога» і «Звужэнне дарогі».
Папярэдняя прычына аварыі — ігнараванне кіроўцамі дарожных знакаў.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары