12 краін ЕС цвёрда падтрымалі Дамову пра трансатлантычнае партнёрства
Міністры 12 краін Еўрасаюза падпісалі ліст еўракамісару па пытаннях гандлю Сесіліі Мальстрам у падтрымку Дамовы пра трансатлантычнае гандлёвае і інвестыцыйнае партнёрства (TTIP).
Брусэль і Вашынгтон ставілі задачу падпісання TTIP да сканчэння паўнамоцтваў Барака Абамы ў студзені 2017-га. Аднак Дамова натыкнулася на крытыку як у ЗША, так і ў Еўропе.
Да перапынення перамоў заклікала Францыя, якая баіцца за сваю сельскую гаспадарку, што можа не вытрымаць канкурэнцыі з боку амерыканскіх фермераў.
Непакояцца і эколагі: амерыканскія нормы ў сферы якасці прадуктаў менш строгія за еўрапейскія.
Супраць дамовы выступаюць таксама прарасійскія ультраправыя і ультралевыя сілы, якія бачаць у новым пагадненні заруку ўмацавання сувязяў ЕС і ЗША.
У выніку міністр эканомікі Нямеччыны Зігмар Габрыэль заявіў, што перамовы па TTIP «фактычна праваліліся». У той жа час канцлерка Нямеччыны Ангела Меркель TTIP падтрымала.
Сярод 12 падпісантаў ліста міністраў ёсць прадстаўнікі Брытаніі, Італіі і Іспаніі, паведамляе агенцтва Ройтэрз.
Раней Еўрасаюз ужо ўхваліў аналагічнае пагадненне з Канадай. Яно называецца Comprehensive Economic and Trade Agreement (CETA). Падпісанне яго мае адбыцца ў Брусэлі 27 кастрычніка, пасля чаго яго маюць ратыфікаваць парламенты краін ЕС.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары