Лукашэнка — людзям у Аршанскім раёне: Жывіце доўга, моцнага вам здароўя
Аляксандр Лукашэнка на Вялікдзень наведаў храм Прэабражэння Гасподняга ў горадзе Барань Аршанскага раёна.
«Вы, напэўна, ведаеце, часам бачыце, што я, калі прыязджаю, абавязкова гляджу на гэтыя выдатныя месцы. Яны мне не чужыя. Я вельмі добра ведаю праблемы, якія ёсць тут — Балбасава, Барань, Орша — у гэтым рэгіёне. Гэта адзін з самых складаных рэгіёнаў у Беларусі па працаўладкаванні, занятасці насельніцтва. Так быць не павінна, — сказаў кіраўнік краіны ў час размовы з мясцовымі жыхарамі. — І ў бліжэйшы час ва ўрадзе мы вельмі сур'ёзна разгледзім пытанні развіцця гэтага рэгіёну, асабліва гэтых населеных пунктаў «.
«Калісьці гэта быў адзін з развітых раёнаў. Тут базавалася савецкая авіяцыя стратэгічнага прызначэння. Але здарылася так, як здарылася. І з таго часу, не скажу, што мы тут ужо шмат зрабілі, але неяк стараліся людзей заняць», - адзначыў кіраўнік дзяржавы.
Лукашэнка таксама заклікаў і да актыўнасці саміх грамадзян: «Трэба прывыкаць да таго, што людзі павінны ісці за працай. Не праца да людзей, а так, як прынята ва ўсім свеце».
«І хачу вам публічна сказаць, што і начальнікі тут мясцовыя вельмі павольна варушацца. Пасяджэнне ўрада мы правядзем тут, на месцы. Але да гэтага часу вы (кіраўніцтва на месцах) паварушыцеся», — заўважыў кіраўнік дзяржавы. У якасці прыкладу ён прывёў той факт, што месцамі па-ранейшаму застаюцца незадзейнічаны некаторыя аб'екты, якія пустуюць, яшчэ з савецкіх часоў.
«Гэта не справа, што самыя добрыя прыгожыя месцы, зручныя для жыцця людзей, мы не можам прывесці ў парадак. Не скажу, што яны не ў парадку, але яны павінны быць яшчэ лепш, і людзі павінны мець тут працу. Вось гэта галоўнае пытанне, якое мяне хвалюе. Справа не ў тым, што гэта мая радзіма. мая радзіма сёння — уся Беларусь. Але гэта месца заслугоўвае свайго развіцця, бо інфраструктура тут адпаведная», - падкрэсліў беларускі лідар.
«Паверце, мы ўмеем рабіць усё. Часам і людзі нашы не вельмі актыўныя, чакаюць чагосьці ад Госпада, але і ўлады не заўсёды варушацца так, як трэба. Я гэта прызнаю. Жывіце доўга, моцнага вам здароўя. Усе праблемы, паверце, мы вырашым», — рэзюмаваў ён.
Цяпер чытаюць
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары