Пасля «п'янага» забойства жыхары кыргызскай вёскі скупілі і знішчылі ўвесь алкаголь
Сотні бутэлек піва і гарэлкі знішчылі ў сяле Жапалак на поўдні Кыргызстана. Мясцовыя жыхары выкупілі ўвесь алкаголь у вёсцы, адвезлі яго на сметнік. Для пэўнасці па пабітых бутэльках нават праехаліся на бульдозеры.
На тое, каб выкупіць усю алкагольную прадукцыю ў мясцовых крамах, вяскоўцы сабралі амаль 300 тысяч сомаў. Гэта прыкладна $4000. Цяпер прадаваць спіртныя напоі ў кіёсках і крамах вёскі Жапалак забароняць. Прадаўцы, якія парушаць правіла, будуць аштрафаваныя на 10 тысяч сомаў, што складае каля $150.
Рашэнне аб гэтым жапалакцы прынялі на сельскім сходзе. Мясцовыя святары падтрымалі ініцыятыву актывістаў і заклікалі ўсіх астатніх адмовіцца ад ужывання алкаголю.
Прычынай такога радыкальнага рашэння вяскоўцаў стала нядаўняе трагічнае здарэнне. Адзін з жыхароў вёскі, напіўшыся, забіў сваю жонку.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары