У Індыі запусцілі цягнік, які амаль цалкам працуе на сонечных батарэях
Нядаўна спецыялісты кампаніі Indian Railways правялі выпрабаванні пасажырскага цягніка на сонечных батарэях. Па заяве экспертаў, якая была зробленая выданню Engadget, такі цягнік дазволіць эканоміць 21 тысячу літраў дызельнага паліва за год, піша hi-news.ru.
Сонечныя батарэі размешчаныя, як няцяжка здагадацца, на даху цягніка і могуць генераваць да 20 кілават-гадзін энергіі за суткі. Батарэя цягніка дазваляе назапасіць лішак электраэнергіі і выкарыстоўваць яго ў начны або пахмурны час сутак. Напэўна, шмат хто задасць пытанне: «А чаму цягнік «амаль цалкам» працуе на сонечнай энергіі?». Справа ў тым, што цягне вагоны звычайны дызельны лакаматыў. На энергіі адзінай зоркі Сонечнай сістэмы будуць працаваць толькі вузлы абслугоўвання пасажыраў: асвятленне вагонаў, інфармацыйныя дысплэі, вентылятары, аўтаматычныя дзверы і многае іншае.
Але нават нягледзячы на гэта, эканомія паліва і клопат аб навакольным асяроддзі будзе вельмі вялікі. Да прыкладу, па падліках спецыялістаў, калі перавесці на сонечную энергію ўсе 11 000 цягнікоў, якія штодня курсіруюць па чыгунцы Індыі, то на працягу 10 гадоў такі падыход дазволіць ашчадзіць каля $6,3 мільярда.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары