Школа традыцыйнага мастацтва абвяшчае новы набор на курс «Беларускі танец», які працуе пад кіраўніцтвам вядомага этнахарэографа і даследчыка танцу Мікалая Козенкі.
Заняткі для дарослых адбываюцца адзін або два разы на тыдзень па аўторках, чацвяргах а 19-й гадзіне за тры хвіліны хады ад ст.м. Плошча Перамогі.
Далучыцца можа кожны, хто хацеў бы навучыцца танчыць лявоніху, падыспань, кракавяк, грачанікі, матлёт і іншыя танцы, даведацца пра танцавальныя беларускія традыцыі і спрыяць іх захаванню!
Заняткі для дзяцей будуць праходзіць двойчы на тыдзень па панядзелках і серадах (ст. м. Плошча Якуба Коласа) у трох групах:
малодшай (вучні пачатковай школы),
сярэдняй (5-7 класы),
старэйшай (8-11 класы).
Працягласць занятку ў малодшай групе — 1 акадэмічная гадзіна,
у сярэдняй і старэйшай — 2 акадэмічныя гадзіны.
Кожны занятак уключае комплекс падрыхтоўчых фізічных практыкаванняў, якія карэктуюць паставу і рыхтуюць да танцавальных нагрузак.
Заняткі танцу падабаюцца дзецям, бо яны вяселыя і нескладаныя, цудоўна здымаюць напружанне пасля няпростага школьнага дня. Апроч фізічнай падрыхтоўкі, яны спрыяюць і развіццю камунікатыўных навыкаў. Беларускі танец вельмі пасуе дзецям, якія з розных прычынаў завяршылі спартовыя трэніроўкі, бо гэта мяккая, але досыць істотная фізічная нагрузка.
Навучанне платнае.
Дадатковую інфармацыю можна атрымаць па тэлефоне: +375 29 608-25-56, або напісаўшы на электронную пошту: [email protected].
Прыватнае прадпрыемства «Кансультацыйныя і навучальныя праграмы» УНП 191517034
Арыштавалі прадстаўнікоў кампаніі Bayer у Беларусі15
Каментары