Смерць расійскага блогера ад укуса змяі — самагубства? З'явілася ВІДЭА, на якім ён памірае
Відэаблогер Арслан Валееў, які праславіўся дзякуючы сваім каналам на Ютубе пра вялікіх дзікіх котак «BobCat TV» і каналу пра рэптылій «Прыватны экзатарыум», у жывым эфіры атрымаў укус атрутнай змяі.
Чытайце: Папулярны расійскі відэаблогер памёр ад укусу самай атрутнай у свеце змяі ў жывым эфіры
І вось на Ютубе распаўсюджваецца частка запісу таго самага жывога эфіру, падчас якога адбыўся гэты смяротны інцыдэнт.
Раней паведамлялася, што Арслан Валееў пасварыўся з жонкай, з якой яны разам стваралі ўнікальны кантэнт для сваіх каналаў на Ютубе. На відэа бачна, што хлопец пасля ўкусу змяі не прадпрымае ніякіх захадаў, а проста сядзіць і размаўляе з гледачамі. У прыватнасці, ён кажа:
«Проста пабуду тут з вамі крыху. Калі што, на тэлефоне — запіс для Каці [жонкі]… Перадайце Каці, што я моцна кахаў яе… Усім пакуль».
Пры гэтым ён неаднаразова каментуе свой кепскі стан, а ў канцы відэа, калі рукі ўжо зусім самлелі, сыходзіць. Як раней паведамлялі расійскія СМІ, Валееў спусціўся на вуліцу, каб сустрэць дактароў хуткай дапамогі, якую яму выклікалі гледачы жывога эфіру.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары