Старшыня грамадзкага аб’яднаньня «Беларуская асацыяцыя журналістаў» Жанна Літвіна стала ляўрэатам прэміі Фонду імя Фрыдрыха Эбэрта па правах чалавека ў 2008 годзе.
Старшыня грамадзкага аб’яднаньня «Беларуская асацыяцыя журналістаў» Жанна Літвіна стала ляўрэатам прэміі Фонду імя Фрыдрыха Эбэрта па правах чалавека ў 2008 годзе.
«Свабода слова зьяўляецца неад’емнай часткай грамадзянскіх свабодаў і правоў чалавека. Калі яе няма, то і ўсе астатнія правы чалавека знаходзяцца пад пагрозай. Таму асноўная задача БАЖу — рабіць ўсё магчымае для абароны свабоды слова. Прысуджэньне гэтай прэміі азначае, што нашы намаганьні маюць пэўны плён», — так пракамэнтавала навіну сама Жанна Літвіна.
Цырымонія ўганараваньня адбудзецца 12 сьнежня 2008 г. у Бэрліне. Плянуецца, што з урачыстай прамовай выступіць Маціяс Плацэк, прэм’ер‑міністар фэдэральнай зямлі Брандэнбург (Германія).
Каментары