Еўрапейскі вяшчальны саюз (ЕВС) зацвердзіў першапачатковы варыянт песні Forever, з якой украінскі спявак Alekseev прадставіць Беларусь на «Еўрабачанні 2018». Пра гэта паведаміў у сваім эфіры канал «Беларусь-1».
Менавіта з гэтай кампазіцыяй быў звязаны галоўны скандал нацадбору. На думку аўтараў ліста, які была гатова падпісаць частка фіналістаў нацыянальнага адбору, кампазіцыя Forever, з якой збіраўся выступаць Alekseev, — гэта версія рускамоўнай песні «Навсегда», толькі перакладзеная на англійскую мову, трохі перааранжыраваная і скарочаная. Каманда Alekseeva даказвала, што гаворка ідзе пра два самастойныя творы.
На першым этапе нацыянальнага адбору спявак выканаў першы варыянт песні. Але Белтэлерадыёкампанія рэкамендавала выканаўцу змяніць мелодыі Forever. Каманда спевака зрабіла гэта, пасля чаго юрыдычных прэтэнзій да Alekseev не засталося. У выніку ў фінале нацыянальнага адбору прагучаў другі, зменены варыянт песні.
ЕВС праверыла першапачатковую версію песні Forever, якая выклікала спрэчкі. Еўрапейскія чыноўнікі прыйшлі да высновы, што гаворка ішла пра абсалютна самастойны твор. Таму яны дазволілі ўкраінскаму выканаўцу прадставіць у Лісабоне першы варыянт сваёй песні, які выклікаў такія пратэсты ў іншых беларускіх выканаўцаў.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары