Вынікі прэзентацыі Apple: самы танны айпад для школьнікаў і новыя дадаткі
27 сакавіка 2018 года Apple правяла прэзентацыю. Яе асаблівасцю стала незвычайнае месца правядзення — гэтую ролю выканала зала сходаў адной з школ Чыкага. Кампанія паказала свае новыя рашэнні для адукацыі.
Новы iPad
Вонкава новы планшэт абсалютна не адрозніваецца ад iPad пятага пакалення, які кампанія прадставіла роўна год таму: тая ж дыяганаль у 9,7 цалі, алюмініевы корпус і кнопка Home з убудаваным сканерам адбіткаў пальцаў Touch ID.
Апаратную аснову планшэта складае працэсар A10 Fusion. Аб'ём аператыўнай памяці не раскрываецца. Затое вядома, што асноўная камера навінкі мае разрозненне 8 Мп і падтрымлівае здымку відэа ў фармаце Full HD. Час аўтаномнай працы па-ранейшаму складае 10 гадзін.
На дадзены момант гэта самы танны планшэт кампаніі, мэтавая аўдыторыя якога — школьнікі, студэнты і настаўнікі. Ягоны кошт у ЗША складае $329 (пры гэтым для школ цана яшчэ ніжэйшая — ўсяго $299).
Паколькі iPad 2018 гэта, у першую чаргу, «адукацыйны» планшэт, спецыяльна для яго Apple дапрацавала фірмовы пакет дадаткаў iWork, дадаўшы пашыраную падтрымку стылуса Pencil. З яго дапамогай настаўнікі змогуць выпраўляць памылкі сваіх вучняў у здадзеных матэрыялах.
Абнаўленне iWork
Так, у «офісныя» дадаткі iWork (Pages, Keynote і Numbers) цяпер можна дадаваць малюнкі, убудоўваць «разумныя» анатацыі, а таксама праглядаць падручнікі, якія настаўнікі будуць ствараць на камп'ютарах Mac. Такія кнігі могуць уключаць карцінкі, відэа і запісы з дапамогай Apple Pencil.
Пакет iWork з'яўляецца бясплатным аналагам Office ад Microsoft. Кожная з праграм адаптаваная для выкарыстання як у асяроддзі iOS, так і ў асяроддзі macOS, дазваляючы бесперашкодна пераключацца паміж платформамі.
Пакет адукацыйных дадаткаў
Разам з абноўленым iPad 2018 Apple анансавала запуск дадаткаў Schoolwork, Apple School Manager і Classroom з падтрымкай macOS для адукацыйных устаноў. Яны маюць замяніць традыцыйныя спосабы кантролю выкладчыкамі паспяховасці вучняў пры дапамозе iPad і камп'ютараў Mac.
Classroom выступіць у ролі лічбавага журнала. З яго дапамогай настаўнікі змогуць кантраляваць наведвальнасць, ствараць нагадванні і весці з навучэнцамі дыялог. Бэта-версія дадатку для macOS стане даступнай ужо гэтым летам.
Schoolwork — гэта ўніверсальны дадатак для навучэнцаў і выкладчыкаў. З яго дапамогай настаўнікі змогуць даваць заданні, а вучні — атрымліваць іх. Выкананне працы, здача яе на праверку і сама праверка ажыццяўляюцца таксама ў дадатку.
Apple School Manager выступіць у ролі адмініструючага дадатку, які будзе даступны толькі адукацыйным установам. Ён дазволіць аддалена кіраваць адразу некалькімі прыладамі і ўліковымі запісамі Apple ID, кантралюючы, якія дадаткі ўсталёўвае вучань і якія ён наведвае сайты.
Усе дадаткі працуюць праз фрэймворк ClassKit і моцна інтэграваныя адно з адным для максімальнай эфектыўнасці.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары