У Мексіканскім заліве знялі на ВІДЭА дзіўную глыбакаводную істоту
Спецыялісты не змаглі вызначыць, што за істота трапіла на відэа, зробленае ў водах Мексіканскага заліву. Магчыма, гэта новы, невядомы навуцы від, піша National Geografic.
Спецыялісты з даследчага судна Okeanos Explorer выявілі гэтую істоту, падобную да кальмара, на глыбіні каля 850 метраў. Яна плыла ў вельмі незвычайнай позе: шчупальцы былі загнутыя так, нібы істота заняла абарончую пазіцыю, прытым настолькі моцна, што здаецца, быццам гэта зусім не кальмар.
«Мая першая рэакцыя была наступнай: што гэта, халера, такое?» — кажа марскі біёлаг Марк Векчыоні, добра вядомы з падводнымі жыхарамі гэтых мясцін.
Сваёй манерай плавання істота чымсьці нагадвае наўтылус, а афарбоўкай — кальмара-вампіра (Vampyroteuthis infernalis). Навукоўцы таксама мяркуюць што незвычайная жывёла можа аказацца зусім новым, не даследаваным раней відам.
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары