4K-тэлебачанне і ўласны канал: velcom абвясціў пра стварэнне буйнога гульца на рынку медыя
У Беларусі з'явіўся буйны гулец на медыярынку, які мае намер развіваць сегмент ТБ, відэа, аўдыё і іншага забаўляльнага кантэнту, паведамілі TUT.BY на прэс-канферэнцыі velcom. Сярод планаў — уласны ТБ-канал, прамыя трансляцыі футбольных матчаў, відэа па запыце, дайджэст-каналы (Loop Channels) і 4K ТБ.
Развіццём мэдыякантэнту зоймецца асобнае падраздзяленне. Узначаліць яго Вячаслаў Смірноў, які ў апошнія гады кіраваў у velcom аддзелам карпаратыўных камунікацый.
Новая структура будзе займацца як вытворчасцю ўласнага кантэнту, так і адаптацыяй для беларускага рынку папулярных сусветных шоу і серыялаў. Большая іх частка атрымае развіццё пад брэндам VOKA, а асобныя праекты будуць даступныя існуючым аператарам у Беларусі. Распаўсюджванне атрымаюць трэндавы фарматы, якія цяпер карыстаюцца найбольшым поспехам у заходніх краінах, а velcom хацеў бы ў перспектыве займацца не толькі вяшчаннем, але і распаўсюджваннем кантэнту.
У найбліжэйшых планах — прыступіць да трансляцый футбольных матчаў нацыянальнага чэмпіянату. Паспяховыя перамовы на гэты конт ужо прайшлі з Беларускай федэрацыяй футбола. Акрамя таго, плануецца весці прамыя трансляцыі з буйных кібертурніраў.
Лічбавае тэлебачанне VOKA ў найбліжэйшай будучыні таксама запусціць у Беларусі анлайн-кінатэатр IVI, у якім прадстаўлена больш за 60 тыс. Фільмаў і серыялаў амерыканскіх і расейскіх кінастудый. А яшчэ ў краіну прыйдзе відэасэрвіс START.RU, які робіць стаўку на расійскія кіно. Развіццё ў Беларусі атрымае таксама звышдакладнае тэлебачанне. Кантэнт у фармаце 4K ўжо прадстаўлены ў VOKA, а ў будучыні асартымент стане шырэйшым.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары