Аляксандр Лукашэнка сёння выказаў крытыку ў адрас шэрагу кіраўнікоў высокага ўзроўню за недастатковыя намаганні па рэалізацыі дадзеных раней даручэнняў, накіраваных на развіццё прамысловай сферы ў Аршанскім раёне, піша БелТА.
Кіраўнік дзяржавы наведаў у раёне шэраг прадпрыемстваў, адным з якіх стала ААТ «Тэхніка сувязі» ў горадзе Барань. Прадпрыемства «Тэхніка сувязі» знаходзіцца ў падпарадкаванні Дзяржкамваенпрама і ўваходзіць у склад холдынгу «Геаінфармацыйныя сістэмы кіравання». Ставілася задача развіваць вытворчасць на існуючых плошчах, пашыраючы выпуск і наменклатуру запатрабаванай на рынку прадукцыі.
Аднак па факце шматлікія будынкі і памяшканні альбо не выкарыстоўваюцца, або выстаўлены на продаж, альбо плануюцца пад знос. Кіраўніку дзяржавы ў цэлым паведамілі аб планах па развіцці прадпрыемства, станоўчую дынаміку — растуць аб'ёмы выпускаемай прадукцыі, ствараюцца новыя працоўныя месцы.
Тым не менш Аляксандр Лукашэнка звярнуў увагу кіраўніцтва галіны, што яго даручэнні выконваюцца далёка не ў поўным аб'ёме, а заява аб тым, што пазасталых вытворчых плошчаў дастаткова, — толькі тлумачэнне недастаткова эфектыўнай працы.
«Калі нічога не рабіць, то дастаткова. А калі паставіць перад сабой мэту … бо першапачаткова задача ставілася, каб гэта ўсё было вамі засвоена і там вырабляўся прадукт, патрэбны для рынку, - сказаў ён. - А вы злёгку падышлі: гэта, гэта і гэта пад бульдозер. А гэта — прададзім. Ну, што за завод будзе?! Я б і без вас гэта зрабіў. Я бачу, вы наогул не думалі над рашэннем той задачы, якая была пастаўлена».
«Навошта мне міністэрства і міністр такі (гаворка пра Дзяржкамваенпрам), які пад бульдозер будзе пускаць тое, што я яму сказаў асвоіць», - падкрэсліў беларускі кіраўнік.
Аляксандр Лукашэнка змяніў першапачаткова прапанаваны маршрут наведвання і асабіста агледзеў вытворчую тэрыторыю прадпрыемства. Высветлілася, што ў многіх месцах не тое што не арганізавана вытворчасць, а нават не наведзены элементарны парадак.
«Вось ваш твар, калі ўжо вы сюды прывялі паказаць нешта і паказалі … Ну так, вы не планавалі, што я зайду ў ваш «туалет». Вы ператварылі праз паверх гэта памяшканне ў туалет, дзе ніхто ніколі не прыбіраў. Мы сёння пакажам усяму народу, як вы працуеце», - заявіў кіраўнік дзяржавы.
«Вы вырашылі са мной абысціся малой крывёю. Вось, зараз пакажам: увайшлі, на ліфце падняліся, там нейкія платы габлююць … У нас усё добра, — адзначыў ён. — Гэта ж трэба дадумацца … Два гады аб адным і тым жа кажу. Прыехаў - «цуды».
Пачынаючы ад дзяржсакратара, кіраўніка Адміністрацыі і прэм'ер-міністра, вы так працуеце».
Цяпер чытаюць
Каб не сядзець у Расіі за наркотыкі, малады даносчык з Ашмянаў запісаўся на фронт. Дый згінуў15
Каментары