Большасць загінулых і пацярпелых — падлеткі.
Следчы камітэт Расіі перакваліфікаваў крымінальную справу, заведзеную па факце выбухаў у тэхнікуме ў Керчы. Аб гэтым паведамляецца на сайце ведамства.
Артыкул «Тэракт» (205 КК РФ) зменены на «Забойства дзвюх і больш асоб агульнанебяспечным спосабам».
«Зыходзячы з карціны злачынства, следства мяркуе, што гэты малады чалавек расстраляў людзей, што знаходзіліся ў каледжы, а затым здзейсніў самагубства», — гаворыцца ў паведамленні СКР.
Ведамства таксама паведаміла, што цела падазраванага ў здзяйсненні тэракту — 18-гадовага вучня чацвёртага курса тэхнікума Уладзіслава Раслякова — выявілі ў бібліятэцы на другім паверсе.
Пры гэтым у Нацыянальным антытэрарыстычным камітэце (НАК) заявілі, што Раслякоў мог быць не адзін, і пошук магчымых арганізатараў і выканаўцаў злачынства працягнецца.
Раней паведамлялася, што ў тэхнікуме ў Керчы адбылася серыя выбухаў і стральба, а НАК заявіў пра падрыў бомбы. У горад былі ўведзеныя вайскоўцы і бранятэхніка, улады абвясцілі пра рэжым надзвычайнай сітуацыі.
Чытайце таксама:
Апублікавана ВІДЭА, якое знялі студэнты падчас масавага забойства ў Керчы
Хлопец, які напаў на керчанскі каледж, меў дазвол на паляўнічую зброю і быў выдатнікам
Напад на каледж у Керчы ўчыніў яго студэнт. Ён скончыў жыццё самагубствам
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна12
Каментары