Учора відавочцы паведамілі парталу abw.by пра сур'ёзнае ДТЗ на праспекце Незалежнасці — насупраць Ваеннай акадэміі фура збіла салдата: «Хочацца верыць у лепшае, але, здаецца, без прыкмет жыцця. Цела ляжала ў другой паласе, як заязджаць у горад, гэта ўсё, што я паспеў убачыць, ехаў хутка», — напісаў у рэдакцыю відавочца Андрэй.
Як стала вядома abw.by, адбыўся наезд на курсанта Ваеннай акадэміі. Праз некаторы час кіраўніца прэс-службы сталічнай ДАІ Аляксандра Папова пацвердзіла факт смяротнага наезду: «Мужчына памёр. Праводзіцца праверка».
З уласных крыніц abw.by сталі вядомыя падрабязнасці здарэння. Як паведамляе сайт, курсант 3 курса адлучыўся ў краму і быў затрыманы гарнізонным патрулём на тэрыторыі ваеннага гарадка 9-га кіламетра. Маладога чалавека патруль суправаджаў у ваенную камендатуру — стаялі на прыпынку грамадскага транспарту з боку ўезду ў горад насупраць КПП Ваеннай акадэміі.
Пры спробе суправадзіць курсанта ў аўтобус ён вырваўся і, аббягаючы аўтобус спераду, у другой паласе трапіў пад фуру. 30-хвілінныя рэанімацыйныя дзеянні не прывялі да выніку…
Следчы камітэт паведаміў наступную інфармацыю аб ДТЗ: 16 студзеня каля 12.50 26-гадовы кіроўца седлавога цягача МАN TGA, рухаючыся па пр. Незалежнасці ў Мінску, здзейсніў наезд на пешахода, які перасякаў праезную частку па-за пешаходным пераходам. У выніку ДТЗ 19-гадовы малады чалавек памёр у машыне хуткай дапамогі. У дачыненні да кіроўцы заведзеная крымінальная справа па ч. 2 арт. 317 КК РБ.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць50
Каментары