Шоўмен Уладзімір Зяленскі выйшаў на першае месца ў рэйтынгу кандыдатаў у прэзідэнты Украіны. Дзейны кіраўнік дзяржавы Пятро Парашэнка таксама падняў свой рэйтынг — ён на другім месцы, былая прэм'ерка Юлія Цімашэнка апусцілася на трэцюю пазіцыю.
Пра гэта сведчаць вынікі апытання, праведзенага трыма сацыялагічнымі кампаніямі (Цэнтр сацыяльных і маркетынгавых даследаванняў «Соцыс», Кіеўскі міжнародны інстытут сацыялогіі і Цэнтр Разумкова).
Паводле дадзеных, апублікаваных у чацвер, за пратэставага кандыдата Зяленскага гатовыя прагаласаваць 23% выбарцаў. Парашэнку падтрымліваюць 16,4%, Цімашэнка — 15,7% рэспандэнтаў.
Прарасійскі кандыдат, выхадзец з Данбаса Юрый Бойка збірае 9,3% галасоў, лідар партыі «Грамадзянская пазіцыя» Анатоль Грыцэнка — 8,1%, лідар Радыкальнай партыі Алег Ляшко — 6,7%. Кандыдата ад алігархічнай партыі «Укроп» Аляксандра Шаўчэнку гатовыя падтрымаць 3,5%, мэр Львова Андрэй Садовы збірае 3,4%, лідар партыі «Нашы», харкавец Яўген Мураеў — 2,7%. Кандыдат ад нацыяналістычнага аб'яднання «Свабода» Руслан Кашулінскі набірае 1,3%.
Уладзімір Зяленскі цесна звязаны з украінскім алігархам Ігарам Каламойскім, уласнікам тэлеканала, на якім транслюецца праграма «95-ы квартал».
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары