Расійскі цэнтр прыёму Адзінага дзяржэкзамену (АДЭ) можа быць створаны ў Мінску з адначасовым стварэннем аналагічнага беларускага цэнтра ў Маскве, паведаміў міністр навукі і вышэйшай адукацыі Расіі Міхаіл Кацюкоў на сустрэчы Пуціна і Лукашэнкі ў Сочы, піша БелТА.
«Немалаважным лічым далейшую інтэграцыю нашых выніковых выпрабаванняў для школьнікаў. Прапаную абдумаць пытанне адкрыцця ў Мінску цэнтра прыёму АДЭ і ў Маскве цэнтра тэсціравання. Гэта можна ў ходзе нашых бліжэйшых кантактаў абмеркаваць і, магчыма, інтэграцыю двух гэтых інстытутаў паміж сабой», — сказаў Міхаіл Кацюкоў.
Ён нагадаў, што беларускія грамадзяне сёння могуць паступаць практычна ва ўсе расійскія ўніверсітэты на праграмы ад бакалаўрыяту да аспірантуры.
«Цяпер у расійскіх ВНУ вучацца практычна 14 тысяч студэнтаў і аспірантаў з Беларусі (і значная частка на вочнай форме навучання і на бюджэтнай аснове)», — адзначыў расійскі міністр.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары