Інтэрвал руху экспрэс-маршруту №1004-ТК складзе ў гадзіну пік 13 хвілін, кошт — 70 капеек.
Новы гарадскі экспрэс-маршрут №1004-ТК арганізуецца ў Мінску з 25 сакавіка. Ён звяжа спальны мікрараён «Новая Баравая» са станцыяй метро «Усход». Час маршруткі ў шляху — 9-11 хвілін, паведаміў МЛЫН.BY перавозчык.
Тэрытарыяльна вёска Копішча, у якой знаходзіцца шматпавярховая забудова, належыць да Мінскага раёна і транспартныя зносіны арганізаваны там слаба.
Першая маршрутка да метро будзе адпраўляцца ў 06:40 (гэта тычыцца як рабочых, так і выходных дзён). Ад метро ў «Новую Баравую» апошні рэйс запланаваны на 21:04 у працоўныя дні і на 20:57 у выходныя.
Што тычыцца інтэрвалу руху, то ў гадзіну пік ён складзе 13 хвілін, днём — 18-26 хвілін. У суботу і нядзелю час чакання складзе 13-23 хвіліны.
Курсіраваць маршрутнае таксі будзе ў абодвух напрамках па праспекце Незалежнасці, вуліцах Каліноўскага, Усіхсвяцкая, Гінтаўта, Леанарда да Вінчы, Авіяцыйная.
Пакуль у схеме маршруту дзевяць прыпынкаў («Усход», «Кірылы Тураўскага», «Гандлёвы цэнтр», «Усіхсвяцкая», «Бізнес-цэнтр», «Нябесная», «Авіяцыйная», «Арцёма Мікаяна», «Новая Баравая»), але ў перспектыве развіцця мікрараёна і падаўжэння вуліцы Авіяцыйная маршрут будзе адкарэктаваны.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць48
Каментары