Каля 3 ночы па маскоўскім часе ў фэйсбуку генпракурора Украіны Руслана Рабашапкі з'явіўся рэпост допісу супрацоўніцы Вярхоўнай рады Ганны Ісламавай аб завяршэнні абмену зняволенымі паміж Расіяй і Украінай. «Абмен завяршыўся: маракі, Сянцоў, Карпюк, Балух, Грыб ляцяць дадому», — напісала Ісламава.
Галоўны рэдактар «Эхо Москвы» Аляксей Венядзіктаў праз паўтары гадзіны паведаміў у сваім Telegram-канале, што самалёт з вызваленымі украінцамі павінен прызямліцца ў Кіеве ў 5-й раніцы.
У 5-й раніцы карэспандэнту РБК ў кіеўскім аэрапорце Жуляны паведамілі, што інфармацыі аб прыбыцці рэйса з Расіі са зняволенымі няма.
Сакратар Рады нацыянальнай бяспекі і абароны (РНБА) Украіны Аляксандр Данілюк у размове з карэспандэнтам РБК выказаў надзею, што абмен адбудзецца ў пятніцу, але не пацвердзіў прыбыццё борта з Расіі ў Кіеў.
Каля 8 раніцы прэс-сакратар Службы бяспекі Украіны (СБУ) Алена Гітлянская заявіла, што працэс перамоваў па абмене вязнямі паміж Расіяй і Украінай яшчэ працягваецца. «Складаны працэс перамоваў па абмене закладнікаў працягваецца. Набярыцеся цярпення, спадзяюся, ненадоўга. Не распаўсюджвайце неправераную інфармацыю. Трымаем кулакі», - напісала яна ў Facebook.
Перамовы аб абмене палоннымі паміж Украінай і Расіяй працягваюцца. Пра гэта паведамілі ў Офісе прэзідэнта Украіны.
«Працэс узаемнага вызвалення затрыманых працягваецца. Інфармацыя аб яго заканчэнні не адпавядае рэчаіснасці. Калі ўзаемнае вызваленне затрыманых будзе завершана, Адміністрацыя прэзідэнта будзе паведамляць пра гэта па афіцыйных каналах», — гаворыцца ў заяве.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары